მცხეთა-მთიანეთის გუბერნატორის ადმინისტრაციიდან მიღებული ინფორმაცია
მცხეთა-მთიანეთის გუბერნატორის ადმინისტრაციიდან მიღებული ინფორმაციით ირკვევა, რომ 2013 წელს გუბერნატორსა და მის მოადგილეებზე, ისევე როგორც თანამშრომლებზე სახელფასო დანამატების გაცემას ადგილი არ ჰქონია. ამასთან, 2014 წლის მარტის თვეში გუბერნატორის სამუშაო ელექტრონული ფოსტიდან არ განხორციელებულა არანაირი სახის კორესპონდენცია.
მცხეთა-მთიანეთის გუბერნატორის ადმინისტრაციაში არ განხორციელებულა გადაუდებელი აუცილებლობით გამოწვეული სახელმწიფო შესყიდვები, არ ჩატარებულა აუდიტორული შემოწმება და შესაბამისად არ დაფიქსირებულა დასაქმებულთათვის დისციპლინარული პასუხისმგებლობის დაკისრების ფაქტები, არ მომხდარა მაკონტროლებელი ორგანოების მიერ გამოვლენილი დარღვევა-ნაკლოვანებების აღმოსაფხვრელად გატარებულ ღონისძიებათა ნუსხის შემუშავება, არ გააჩნიათ ჩანაცვლებული ავტოსატრანსპორტო საშუალებების სია და საჯარო ინფორმაციის პროაქტიულად გამოქვეყნების სამართლებრივი აქტები.
ყველა დანარჩენ მოთხოვნაზე ადმინისტრაციამ სრულყოფილი ინფორმაცია მოაწოდა ინსტიტუტს.
დეტალური ინფორმაციისთვის გთხოვთ იხილეთ ქვემოთ მოცემული ბმულები:
- თანამდებობის პირების პრემიები
- თანამშრომელთა პრემიები
- უმაღლესი განათლების დამადასტურებელი დიპლომები
- წარმომადგენლობითი ხარჯი
- ავტოპარკი
- ბიუჯეტი